Gulden Humor Wieërt gieët definitief neet doeër

Lang hebbe vae in ’t sprookje geluiftj, ’t sprookje van de Gulden Humor 2021. Naodét in november dudelik woôrt det de festiviteite roôntelum de uutrooping van de Orde van de Gulden Humor aan Huub Stapel op 27 november neet doeër kóste gaon zeen vae gaon zeuke nao ’n alternatief.

Noow de tiêd gevorderdj és en ’t virus waat de wérreldj al bekans twieë jaor in z’n greep hultj nog almer neet ónger controle és hebbe vae mótte constatieëre det de oeëlifânt met de lang snoeët gekaome és nog vuuër ’t sprookje begós. Met ‘n bloôjendj vastelaovendjhért mótte vae uch mejdaele det vae, nao waeke van intensief óngerzeuk, gein alternatief hebbe kunne vînge. Det beteîkentj det de Gulden Humor in Wieërt definitief neet doeërgieët.

Minse deej eur kaarte via de website hebbe gekochtj krieëge rechtstreeks bericht.

As dejje kaarte hetj gekochtj op ein van de verkouppûnte dan kujje via ’t formeleer eur geldj trökvraoge.  Vae bedânke uch vör eur belangstelling in de Gulden Humor en hoeëpe uch gaw weer te zeen.

Prijs: € 22,50
De kaarte zeen gekochtj beej(Vereist)
’t És ouch muuëgelik um (’n dael van) eur bedraag te schînke aan V.V. de Rogstaekers. Dieës beejdraag wurtj gebroeëktj um de Wieërter vastelaovendj laevendj te haoje. As dejje heej gebroeëk van wiltj make, dan kujje heejonger aangaeve wievöl: