‘Sprookjes bestaon’

Stadsvastelaovendjvereîniging De Rogstaekers uut Wieërt prizzentieërtj Juul, de kleine kwânte kwakkert, ‘n uniek sprookjesbook, geschrieëve in 17 Limburgse dialecte. ‘t Verhaol és geschrieëve doeër Mark Bouwmans en de prênte zeen geteîkendj doeër Rob Jacobs.

Op reis doeër Limburg
‘t Verhaol gieët oeëver de kleine Limburgse kwakkert Juul. Juul és gek van sprookjes en van vastelaovendj. Hae droumtjer van um doeër ‘n knappe prinses tot preens te waere gekusj. Um zien prinses te vînge hieëte ‘ne touverdrânk noeëdig, bestaondje uut 17 ingrediënte di-j te vînge zeen in de 17 plaatse di-j aangesloeëte zeen beej de Samenwirkende Limburgse Vastelaovesvereniginge. Same mét ziene gooje vrînd, de touvenaar Carnavales, gieëte op paad doeër Limburg. Ze make van alles mej. Waat dit book dus extra bezûndjer maaktj, és detj geschrieëve és in 17 verschillendje Limburgse dialecte: eder bladzi-j in ‘t dialect vanne plaats woeë ‘t aventeur zich afspuuëltj.

Vuuërinschriêving
Juul, de kleine kwânte kwakkert és ‘n uniek verzamelobject. ’t Moog dan ouch neet óntbraeke inne collectie van edereîn dae geintressieërdj és in dialecte. Daobeej ésj e book det alles in zich hieët um uut vuuër te laeze. ‘t Boek és te koup vör € 19,95 per stök en wurtj eînmaolig in gelimitieërdje oplaag uutgebrachtj. Um zieëker te zeen van ‘n exemplaar ésj aan te raoje um gebroêk te make vanne vuuërinschriêving. Det kân t/m 28 augustus 2021 doeër ‘ne e-mail te steure nao info@guldenhumor2021.nl en € 19,95 per exemplaar oeëve te make op raekeningnummer NL 90 RABO 0355 1487 06 t.n.v. Stichting Gulden Humor Wieërt. Bestéldje beuk kunne op zaoterdig 2 oktoeëber 2021 tösse 10:00 en 14:00 oor waere aafgehaaldj beej Wertha Brewpub, Bassin 6 te Wieërt.

Vör de minse van boete Wieërt és d’r ouch de muuëgelikheid um ’t book tow te laote steure. Heejvör weurtj dan e bedraag van € 9,50 aan bezörgköste in raekening gebrachtj.